今期焦點

虛擬貨幣今期焦點: 【蘋果財經】南韓幫攻港狂掃Bitcoin

【蘋果財經】南韓幫攻港狂掃Bitcoin

刊登時間: 2018-02-14 03:21:40  |   瀏灠次數:8

今年起,加密貨幣不利消息一籮籮,繼內地、南韓、印度等地計劃封殺虛擬貨幣交易,外國多間銀行摩通、美銀及花旗亦閂水喉,禁止用旗下信用卡交易任何虛擬貨幣。加上環球股災,加劇資金套現。比特幣(Bitcoin)由去年近2萬美元高位,一度跌穿6000美元,累挫7成。近日回升至8000美元水平,惟加密貨幣熱潮是否已隨大跌浪而冷卻?本報走訪業內人士發掘如何逆市尋商機。

 

80後的洪嘉昊為香港首間實體虛擬貨幣交易中心的創辦人,前年開始投資虛擬貨幣,去年11月更正式開設實體店。正當比特幣於今年一月價格回調之際,他指生意非但沒有受影響,更殺出一批新客源,「每個韓國人都拖住個喼,一落機就嚟買!」他指開業初期九成客人均為港人,一月份時南韓人佔比突然大增至5、6成,使用ATM機買賣的更9成是南韓客。

 

突然有「南韓幫」攻港,洪嘉昊解釋是因為南韓Bitcoin部分境內的交易平台與境外出現約三至四成的差價,「我感覺佢地好多都唔係投資者,純粹帶啲錢過嚟香港買,因為比較低價,再喺南韓賣出,低買高賣,係一個好簡單的套戥方法。」加上香港位置近韓國,十分方便。而南韓人出境有資金限額,每人每次只可攜帶不多於一萬元美金等值的貨幣出境,否則便要申報,因此不少南韓人選擇以「螞蟻搬家」的方式來港掃Bitcoin。

 

他指有段時間幾乎日日見到南韓人,「最誇張佢地凌晨2點開始排隊,排ATM機,因為我哋每日有限額,唔係無限量供應,佢哋買唔到的話,就會浪費咗嗰日時間或者要搵其他渠道買。」他形容南韓人「太瘋狂」,「每日4、5個鐘已經賣晒當日我哋可以做到嘅量!」

 

另一間只做虛擬貨幣大額otc(場外交易) 、入場費由10萬美元起跳的Octagon Strategy總監彭子君表示,公司7成為亞洲客戶,雖然未見「南韓幫」攻入,但公司密鑼緊鼓準備逆市擴充,由現時20人團隊,增聘一倍人手以及擴充至佔地5000呎的辦公室。全因睇好加密貨幣的前景,其中以太幣及比特幣已佔7成。

 

即使遇上加密貨幣大跌市,她仍信心十足,「我會睇所有嘢係一個供求關係。」她認為每當有不利消息出現,冷卻之後形勢依然會向上,「我相信係正面,加上無論由加密貨幣的市值及成交量來說,或期貨的出現,證明加密幣已逐漸主流化。」